12/29/2019
اصغریہ علم و عمل تحریک پاکستان کے پالیسی ساز ادارے مرکزی مجلس عاملہ کا دو روزہ اجلاس مرکزی صدر سید شکیل شاہ حسینی کی زیر صدارت جیم خانہ دادو میں ہوا۔ اجلاس میں تحریک کے اضلاع، ڈویژن اور مرکزی کابینہ کے اراکین شریک ہوئے، اجلاس میں ضلع کراچی، حیدرآباد، مٹیاری، میرپورخاص، سکرنڈ، نوابشاہ، نوشہروفیروز، خیرپورمیرس، سکھر، شہداد کوٹ، کے این شاہ، دادو، سمیت دیگر اضلاع کے کارکنان، جبکہ ڈویژن حیدرآباد، نوابشاہ، سکھر، دادو اور کراچی کے ذمہ داران شریک ہوئے۔ تفصیلات کے مطابق اجلاس کا آغاز باجماعت نماز مغربین سے کیا گیا، اجلاس کی پہلی نشست میں مولانا محمد اعظم قمی، مرکزی صدر اصغریہ تحریک سید شکیل شاہ حسینی، اصغریہ تحریک کے مجلس اعلی کے صدر سید پسند علی رضوی نے خصوصی خطاب کیا۔
اجلاس میں شعبہ جات کے سیکریٹریز نے سالانہ پروگرام کی پلاننگ اور اس کے طریقہ کار کی تربیت دی، جس میں شعبہ تنظیم کی مرکزی جنرل سیکریٹری شہزاد رضا، شعبہ مالیات کی مرکزی فنانس سیکریٹری سلیم عباس چنہ، کاشف اصغری، شعبہ تعلیم و تربیت کی مرکزی تعلیم سیکریٹری پرویز علی لاڑک، قمر عباس غدیری، شعبہ عزاداری و تبلیغ کی تربیت مرکزی سیکریٹری سید خادم حسین رضوی، گوٹھ و محلہ سدھار ثابت علی ساجدی، سید عاشق حسین نقوی، شعبہ فروغ مکتب اہلبیت کی مرکزی سیکریٹری دھنی بخش جعفری، شعبہ ابلاغ عامہ کی مرکزی سیکریٹری سید عرفان نقوی، شکیل حسینی چانڈیو نے دی۔ اتوار کی نشست میں سال میراث مصطفیٰ قرآن و اہلبیتؑ کے سالانہ پروگرام کی منظوری، آئین کی وصاحتیں، جبکہ خصوصی خطاب چئیرمین تحریک تحریک سید حسین موسوی کا ہوگا۔